tablets

O uso de tablets na aula comeza a ser -nalgúns lugares- habitual. O Brasil, por exemplo, vai distribuír tablets a escolas públicas a partir deste ano. No mesmo sentido, o goberno de Corea do Sur, vai investir 2.000 millóns de dólares nos próximos dous anos para darlles a todos os nenos e nenas da escola primaria tabletas gratuítas conectadas a Internet.

Durante a derradeira década foron varias as administracións educativas que apoiaron as iniciativas denominadas 1:1 (un computador para cada alumno e alumna). Con esas iniciativas queríase abordar o acceso do alumnado as 24 horas do día durante os sete días da semana a un dispositivo TIC, conexión a Internet a través da rede escolar e software educativo.