Nativos dixitais

Manual de supervivencia na Escola 2.0

Chega o verán, un momento idóneo para reflexionar sobre a aprendizaxe dos máis novos. En E-ducando gustaríanos compartir con vos a pílula de coñecemento "Manual de supervivencia na Escola 2.0".
Imaxe do twitter

Coas novas técnicas de formación o concepto tradicional de escola, onde un mestre imparte unha materia e os alumnos e alumnas se limitan a coller notas e facer preguntas, mudou.

O novo concepto de educación, a Escola 2.0, permite unha creación da información de xeito colaborativo, onde tanto uns como os outros forman parte da elaboración dos contidos e poden aprender dos demais. Unha intelixencia colectiva que se reflicte nunha elaboración colaborativa.

Unha nova percepción dos videoxogos

Os recentes éxitos da Nintendo Wii Fit e a Nintendo DS (por exemplo Brain Training) ilustran a forma na que os videoxogos impactan de forma positiva na saúde física e mental dos nenos e nenas.
video.jpg

Na actualidade gran parte dos videoxogos asócianse con diversos estereotipos que os consideran perxudiciais para a saúde mental e física dos xogadores. Esta visión negativa dos videoxogos incide nos seus efectos negativos.